Stend vidaregåande skule har eit avgrensa tal stallboksar til utleige. Vi opplever stor interesse for stallplass ved skulen, og kan difor ikkje garantere alle plass.
Prioritering
- Elevar som er ferdige på Vg1, har stallplass og som fortset på Vg2 hestefag
- Elevar som har fått plass på hestefag (Vg1 og Vg2)
Det er ein stallplass pr. elev.
Prisar
Ein stallplass kostar kr. 1600,- i månaden på Stend. I tillegg kjem fôr og strø.
Forbruket blir berekna ut i frå hesten sin fôrplan som er avtalt med stallansvarlig. Fôr og strø blir fakturert slik at det dekker skulen sine kostnader, og ut i frå gjeldande pris.
Totalt vil det bety ei kostnad på kr. 2500,- til 4000,- i månaden for dei fleste.
Vilkår
Det er ein føresetnad at søkjer eig eller disponerer hesten 100%. Elevar som har hest i stallen på Stend skal sjølv sørgje for ut- og innslepp av eigen hest. Fôring av alle hestar i stallen er ein del av undervisinga i hestefaget. Elevar ved skulen bruker hesten som læremiddel, og er difor fritatt mva. Oppstalling gjeld frå skulestart til skuleslutt.
Organisering av stallarbeid
Ein av hovudintensjonane ved hestefaget er å setje elevane i stand til å delta i drifta av eit hesteanlegg. Desse kunnskapsmåla dekker vi gjennom å gi elevane ansvar for deler av stalldrifta. Elevane skal kunne ta ansvar for aktivitetar som inngår i normal stalldrift.
Faga inneheld læringsmål innan fôring og observasjon av hestane i stallen. Faga vert difor organisert slik at elevane går turnus gjennom skuleåret. Alt stallarbeid inngår slik i skulefaga, og er gjenstand for vurdering og oppfølging frå lærarane. Arbeid utover normal skuletid blir godtgjort gjennom eit lågare timetall i ordinær timeplan i desse faga.
Elevane blir delt inn i grupper som har vakt heile veker. Kvar gruppe har ca. 6 elever som har ansvar for å fordele oppgåvene og tiden mellom seg. Alle elevar på Vg1 og Vg2 hest deltar i dette arbeidet.
For elevar som har lang reisevei, har stallvaktene eit hybelrom disponibelt på skulen.
Meir detaljert informasjon om ordninga blir gitt ved skulestart.
Sende inn søknad om stallplass.